財政司話想開徵銷售稅
先唔評論是否可行、對香港好唔好、技術點做的問題
我只係想講，如果您係中五或以下
可以睇清楚佢是否真係推行
因為真係推行的話，香港的會計行業需求會上升唔少
可能大家揀 jupas 時，可多考慮呢方面的學系
而中六的朋友，相信您派埋大學，財政司都未必有具體方案
所以唔建議大家嚮一個懷疑狀態下轉報會計學科
一下又有商家佬大力反對而取消
大家就可能撲個空
另一方面，讀經濟的同學都要理解開徵銷售稅的好處、壞處
DSE經濟係會考的
銷售稅係一種累退的稅 (regressive tax)
因為收入高和收入低的人，買相同數量同樣的貨品都是要繳交相同的稅款
所以稅款除收入，高收入的會有一個較低的稅率
這個會引發貧富更不均的情況，富者愈富、貧者愈貧
(當然，有部分地方的銷售稅不會於必需品 (necessity)上徵收
可能只係向奢侈品 (luxury) 徵收，如果真的話，
高收入的要抽稅、低收入的變相唔洗抽稅，貧富不均的問題可以倒轉頭改善)
而另一個關於 普及銷售稅 (General sales tax) 的好處是
可能將香港的 稅基 (Tax base) 加大
香港一般的稅收係︰利得稅 (profit tax)、薪俸稅 (salary tax)、物業稅 (property tax)
由於香港有個人免稅額，所以香港有唔少人都無需交以上三種的稅款
(如果一個人無攪生意，無物業出租、打工的收入低過免稅額，就三種稅都唔洗交)
而呢三種的稅款亦會跟隨經濟週期而大幅波動
當經濟不景時，大多數公司都少盈利甚至無盈利，
大多數打工的全年收入都少於免稅額，
大多數出租物業的價格都下跌，
三種稅收就會大幅度下降，以及要交稅的人會好少好少 (稅基非常窄)
稅基一旦好窄，您加稅都無辦法大力增加政府收入
100個人只係3個交稅，您抄佢家都無咩肉食
(當然，政府仲有一個好大的收入來源是賣地
但當經濟不景，賣地收入亦會下降)
故開徵銷售稅就可以改善呢個因經濟週期而導致政府收入下降的問題
因為開徵後 (假設大多數市場上的物品和服務都要徵稅)
基本上市民一消費，或多或少都會進貢一些給庫房
由於被間接徵稅的市民眾多，我地會呢種叫擴闊稅基 (Tax base)
雖然經濟不景時，市民消費意欲都會下降，間接銷售稅的收入都會下降
但跌幅一定遠比直接稅 (利得稅 (profit tax)、薪俸稅 (salary tax)、物業稅 (property tax)) 為低。
呢個方法有d似我之前好書有介紹過的一本書的內容
佢話古時有一個皇帝，因為打扙想徵收更多的稅收
第一個主意係加稅，每家每戶都要加稅，稅收自然多
但有一個大臣就話唔太可行，因為當時有好多人民係隱居
即政府都唔知佢地的存在，所以您加稅佢地無感覺
因為您都搵佢唔到
所以大臣就建議不如將 "鹽" 國營左佢
只有政府才可以賣 "鹽"
由於人類係一定要食 "鹽"
隱居的都要食，只要國營左 "鹽"，再將 "鹽" 輕輕抬價
收入就會更豐富
呢個都係攞到擴闊稅基的效果
當然佢個方法不是直接徵稅
而係用有D似國企的方法為國家賺錢
只不過國企會有些特權
好覺得無論咩方案都好
政府就一定係想財政穩健
市民就一定係唔洗交稅
呢個矛盾就留有空間俾班政客中間搵政治本錢
但唔該你班政客唔好再搵年輕人做馬前卒
你班政客唔滿意個政府施政就自己去絕食吧
Search